Luo Wolombase Dõdõ

Luo wolombase dõdõ, buala Lowalangi. Ngaluo wamaduhu’õ, turia wangorifi. Ba fefu zangondasi, tõdõra tehagaini. Hetawisa wangondrasi, So’aya solomasi. Bõi tabe ita nisaisi, zomasi-masi nõsi. Ya dozi tatõngõni, li Yesu sangorifi. Da ta’ondrasi Zo’aya, wangalulu khõ-Nia. Da ta’andrõ saohagõlõ, mbuala nitemada. Tafosumange Ia, soroi sibai dõdõda. Tafondrondrongo li nama, sahakhõ tõdõ khõda. Samtenge ono-Nia, ba wolu’i horõda. Ikaoni fefu ita, ba wamati khõ-Nia. No Itaõgõ wango’aya, ono Lowalangida. Ibelegõ nono-Nia, fa lõ tehuku ita. Da’õ nitõngõnida, ba lala wekolida. Da’õ zomuso dõdõda, me no maoso Zo’aya. Salawa wa’auri ia, banua-Nia ita. Maoso ita dania, mõi ba lakhõmi Nia. Sangomasi’õ So’aya, ba solo’õ li Nia. Ifaoso bongi ma’õkhõ, irugi gamozua. Ba dozi Ifanema, fa’auri si lõ taya.