Sihulõ Wongi Tumbu Zui Luo

1. Sihulõ wongi tumbu zui luo, a’oi omuso sa fefu dõdõ.

Dozi sonoso ba gulidanõ, somuso tõdõ gõi ita wanuno.

Lowalangi si no mombõi fefu, si tobali omusola dõdõ.

2. No tõdõ nama dõdõ Yehowa, no ihõnagõ zoguna khõda.

Sangomusoi’õ fefu tõdõda, afu aro wamatida khõ-Nia.

Fa lõ tebato wanuno ya’ia, ba fa’auri ifabu’u khõda.

3. Talau manunõ, tafosumange, Lowalangi sombõi ya’ita.

Sangomusoi’õ fefu tõdõda, talulu ita awõ zi so khõda.

Famosumange Yehowa So’aya, ya’ia zamohaga tõdõda.

4. Lõ mo’aetufa wanolo nia, ba halõwõda somasi ia.

Ibe mofozu, ifahowu’õ, itimba fefu zimõi fangalada.

Lakhõmi nia zihaga yawada, me ama sahakhõ tõdõ khõda.

5. He Lowalangi ya’e dõdõma, ba fa’aurima, tema bõi timba.

Ma be sumange-Mõ zi so khõma, tayaigõ fefu ngawalõ horõma.

Sasai ndra’aga do Yesu So’aya, ena’õ oi tana khõu ndra’aga.

6. He Lowalangi dou’õ wamatima, ba fanõtõna ba fa’omasi.

Wanõrõ lalama ba wekoli, fahaõ ndra’aga ba wanaha tõdõ.

He natohare khõma zagafõkhõ, tologa eheha-U ba wangandrõ.

7. He Lowalangi tolo ndar’aga, ba wamõfõgõ ombayasõma.

8. Bõi aefa haga-Mõ ba lalama, ya eheha-U zamatõrõ tõdõma.

9. Ena’õ oi sanau õlõ ndra’aga, wogamõ fa’auri si lõ taya.