He Ama Ba Zorugo

1. He ama ba zorugo, da masuno Ndra’ugõ.

Ma andrõ saohagõlõ, mbuala nibe’e-Mõ.

2. No õtolo ndra’aga, ba lala nitõrõma.

No õfahowu’õga, wanga’i halõwõma.

3. No õ’abõlõ’õga, wangalui aurifama.

No õtuturu lala, wamati khõ Zo’aya.

4. Fefu gamuatama, si lõ omasi nama.

Bologõ dõdõu khõma, ba dõi Yesu So’aya.

5. Fefu ngawalõ zala, si lõ oroma khõma.

Ba be’e aefa khõma, afu te’orifiga.

6. Omasiga mõi mõrõ, lumõ’õga tanga-Mõ.

Ya õtimba de’ala, be ohahau dõdõma.

7. Matou’õ ba danga-Mõ, wa’aurima ba fokhõ.

Ya’ugõ zondrorogõ, si lõ mamalõ-malõ.

8. Be’e wondrara dõdõ, ba khõndra talifusõ.

Sinumana, sofõkhõ, he gõi sangarõ-ngarõ.

9. Fefu niha sangandrõ, sangarõfili tõi-Mõ.

Nõnõ howu-howu-Mõ, be wa’ohahau dõdõ.