Ba Danga Lowalangi

1. Ba danga Lowalangi, be lalamõ andrõ.

Sangila mamolala, abula dõdõ-Mõ.

Andrõ bõi ae ba mbõ’õ, na tosasa dõdõ.

Fõna Yesu õtou’õ, Irara dõdõmõ.

2. Be’e daliu Zo’aya, wangai halõwõmõ.

Dõna-dõna khõ-Nia, Ibe’e mo’õlõ.

Ba na so zo’ambõta, bõi abusi tõdõ.

Tou’õ be fõna Nia, sao’õ ba wangandrõ.

3. He Lowalangi ama, umbu wa’omasi.

Si lõ farõi Ndra’ugõ, ba zi no mamati.

Fefu zoguna khõma, a’oi õbõnõkhi.

Tebai lõ õfalua, zi no õbohouni.

4. Lõ ambõ sa khõu lala, awõ wa’abõlõ.

Wangila mamuala, somasi dõdõ-Mõ.

Ahakhõ dõdõu niha, sangide’ide’õ.

Õbe’e gangandrõwa, famahono dõdõ.

5. Fa’ebua dõdõ-Mõ, ba khõma So’aya.

Lõ õbe ba’a-ba’a, ngawal horõma.

He mangadu zatana, ba golalõwama.

So Keriso So’aya, si mõi salahima.

6. He ama khõu ma’andrõ, wa’akhõ dõdõ.

Aro’õ wamatima, ba zi no õwa’õ.

Wa õfasao ndra’aga, ba lala satulõ.

Irege õ’ohega, ba zahono dõdõ.