Na Owõkhi Dõdõda

1. Na owõkhi dõdõda, tabu ta’ondrasi Yesu.

Khõda gõi ifa’ema, ibokai nidanõ gumbu.

Lõ falukha ba mbõ’õ,ha khõ Yesu so da’õ.

2. No ikaoni So’aya, zabu-tõdõ ba horõra.

Sanutunõ khõ-Nia, fefu ngawalõ zalara.

Hazi tosasa dõdõ, ae khõ Yesu angandrõ.

3. Na tatema wangefa, lõ sa’ae fa’ata’uda.

Me do-Nia hõlida, lõ sa’ae aombõ dõdõda.

Fangohahau dõdõda, ibe khõda So’aya.

4. Alai zabe’e tõdõ, niha sangaohasi horõ.

Fefu horõ sakhõkhõ, si lõlai ba wanguwa’õ.

Na irugi inõtõ, dozi manema sulõ.

5. Ba dozi sanau õlõ, lõ mamalõ ba wangandrõ.

Howu howu lõ ambõ, me So’aya dõtõnafõ.

He na tefakao mboto, ba bõi abusi tõdõ.

6. Na khõ Yesu dõdõda, ba khõ Yesu halõwõda.

Õmõda wama’ema, turia rõfa Zo’aya.

Eheha ibe khõda, sangabõlõ ya’ita.