No Ihõlido So’aya

1. No ihõlido So’aya, afu auri ae ndr’õ.

Samahaõ sebua ia,ifaha’õ gõi ndra’õ.

Ihagaini dõdõgu, wangoroma horõgu.

Simõi lala wangeheta, fa’amate si lõ aetu.

2. Da u’andrõ khõ-U So’aya, be khvgu Geheha-Mõ.

Solawa tanõmõ horõ, na maoso ae ba dõdõ.

Atulõ’õ So’aya fefu ngawalõ zala.

Ha khõ-Mõ sa so wangefa, ba ngawalõ golalõwa.

3. Humulu sibai dõdõgu, ba wogamõ si so’õ.

Ba no sitebai ndra’odo, si lõ fa’anau gõlõ.

U’andrõ khõ-U So’aya, be’e khõgu Geheha.

Afu tola sa ukhamõ, wa’auri ba zi so ama.

4. He Keriso sangõhõli, ya’ugõ dõtõnafõ.

Samahaõ ba sangorifi, solohe ba zawatõ.

Õhagaini dõdõgu, wangoroma’õ khõgu.

Wa no fahõna horõgu, sitobali famunugu.

5. Ba u’andrõ khõ-U So’aya, dou’õ na wamatigu.

Ha khõ-U faduhu dõdõgu, si sõkhi õbe khõgu.

Ha ya’ugõ hõligu, sangefa’õ horõgu.

Fefu ngawalõ nilaugu, simõi langu wa’aurigu.

6. Humulu sibai dõdõgu, ba wogamõ naha-Mõ.

Niha stebai ndra’odo, lõ khõgu fa’abõlõ.

Ha ya’ugõ lalagu, fa’auri, fa’aduhu.

Fa mofozu wa’aurigu, irugi ba zi lõ aetu.