Ba Wemaoso Yesu Keriso

1. Ba wemaoso Yesu Keriso, mobõrõ wanõtõnada.

Te’a’aro’õ wamatida, wa nisusugi gõi ita.

No i’alani wa’amate, ibe khõda wemõna.

Lala wanõndra fa’auri, si lõ aetu si lõ taya.

2. Ba wemaoso Yesu Keriso, to’ele khõda lakhõmi.

Duhu a’ozu wangatulõ, khõ Yehowa Lowalangi.

Fefu wo’õmõ no abu’a, alua zomasi Zo’aya.

Te’efa’õ ba huku horõ, no khõ Yesu wa’aurida.

3. Yesu zindruhu zangefa’õ, same’e khõda femõna.

Ya dozi humulu dõdõ, wangalui fangorifida.

Me Ya’ia lemba-lembada, sanga’aro’õ tõdõda.

Sangila mamasao ya’ita, wondrugi naha Yehowa.