Yoh toto hai kamangat itah jeha

1

Yoh toto hai kamangat itah jeha

hong andau, amon Tuhan pangkahai

manyoho itah buli, tame sorga,

mandino slamat, khanjak ije hai.

Te klahin itah hung kalunen je toh

paterai Tuhan awi aie.

Yoh ie mampong atei itah toto,

mamprahan asie. sintae dan kahaie.

2

Hung kanih itah akan manampayah

sangkowong klawan Tuhan pangkahai.

Dan itah toto hanjak, amon lepah

imbebas bara dosa handiai.

Te itah hung karasih, hung kabujur

tau mampahai, manara Tuhan te,

je jari mawat itah dan harajur

ngagalan itah huang jalae wei.

3

Hung kanih itah akan dinon bagi

hung slamat kare oloh brasih te;

malekat Tuhan mambo auh nyanyi

pahayak itah mimbit tara wei.

Te nyanyi, hormat lembut akan Tuhan,

je brasih, brasih, brasih haliai,

dan itah kea omba kare kawan,

manyembah Tuhan palus katatai.

4

Yoh toto mangat, amon Tuhan itah

mangahau: Kantoh, je imberkatku!

Kahanjak keton dia tau lepah,

harajur wei hung eka Apangku!

Hung hete itah akan manampayah,

manara Yesus Kristus hung kahai,

je jari matei indu gantin itah,

manewus itah hapan daha aie.

5

Yoh taloh ije jaton puji gitan,

je jaton tame pinding itah toh,

tau itah manampayah hayak hengan

dan pinding itah tau mahining auhe.

Hong hete aton slamat dan kasanang,

kahai, panatau, hormat toto te;

kahekan itah toto jaton hayang,

has, itah manyak jalan sorga wei!